Водата од „Билјанини извори“ не е безбедна за пиење

Наодите од испитувањата на „Билјанини извори“ покажуваат дека водата содржи патогени бактерии и дека не е безбедна за пиење, соопшти Центарот за јавно здравје-Охрид.
„Во интерес на навремено и точно информирање на јавноста и со цел грижа за здравствената состојба на населението, ве известуваме дека наодите од 7 декември од физичко-хемиска и микробиолошка анализа на водата од изворот ‘Билјанини извори’ покажуваат дека водата содржи патогени бактерии и согласно правилникот за безбедност на вода, водата е микробиолошки неисправна и не е здравствено безбедна за пиење“, велат од ЦЈЗ-Охрид.
Од таму додаваат дека наодите се доставени до соодветните инспекциски служби за натамошно постапување.
Извор: Макфакс

Powered by WPeMatico

ТВ Орбис - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Сподели