Триесетина „Чкембари“ излегоа на протест пред Општина Битола

Група од околу триесетина навивачи од навивачката група „Чкембари“ попладнево се собраа пред Општина Битола не задоволни од моменталното раководство на фудбалскиот клуб „Пелистер“, дознава SPORTM.mk.

Тие пред неколку дена излегоа со соопштение во јавноста во кое го искажаа своето незадоволсто, за тоа како се води клубот и најавија преземање на по радикални мерки доколку проблемот не биде решен.

Претседателот на Советот на Општина Битола, Валентин Груевски во изјава за SPORTM.mk потврди дека денеска остварил средба со членови на навивачката група „Чкембари“ и биле разгледувани проблемите со кои се соочува најповеќе ФК Пелистер. Тој вели дека Општина Битола веќе презема мерки за надминување на проблемите.

Овие протести следуваат по лошата сезона на ФК Пелистер, кој моментално е на дното од табелата од Првата македонска фудбалска лига, со што му се заканува и премин во ВМФЛ.

Навивачката група „Чкембари“ веќе извесен период не му дава поддршка на зелено-белите кога играат на домашен терен.

ТВ Орбис - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Сподели