Рецепт за грчки палачинки, без млеко и јајца

Грците отсекогаш се хранеле здраво, а подготвувањето на храната им била едноставна.

recept-za-grchki-palachinki-bez-mleko-i-jajca-001.jpg

Можеби не сте знаеле, но палачинките не се измислени во модерната кујна.

Тие исто така им го засладувале животот и на античките Грци.

Се подготвуваат на малку поразличен начин од традиционалните палачинки, но секако се многу вкусни и вреди да се обидете да ги направите.

Потребни состојки:

  • 100g брашно
  • 8 лажици мед
  • 1 лажица сусам
  • 1 лажица маслиново масло
  • 200ml вода

Начин на подготовка:

Брашното ставете го во еден сад и постепено додавајте ја водата. Мешајте со жица за да не се создадат грутки.

Потоа постепено додајте 4 лажици мед.

Загрејте тефлонска тава, ставете го сусамот и пржете додека не добие златно жолта боја. Префрлете го во мал сад.

Во истата тава ставете го маслото и ставете ¼ од смесата за да се обликува округла палачинка.

Печете ја палачинката од двете страни додека не пожолти.

Ова е смеса за 4 палачинки, а вие може да ја зголемите пропорционално.

Печените палачинки премачкајте ги со мед, посипете со сусам и послужете.

Извор – http://www.crnobelo.com/

ТВ Орбис - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Сподели