Поранешна репрезентативка загина во тешка сообраќајна несреќа – телото од автомобилот го ваделе граѓани кои случајно се нашле на местото на несреќата

Несреќата се случила меѓу средата и четвртокот кај местот Калсије на североисток од Босна.

Три жени загинале во тешката собраќајна несреќа, пренесуваат босанските медиуми.

Во директен судар меѓу две патнички возила смртно настрадале Ајша Хамиџ (56), Аиса Хамиџ и Ерна Синаовиќ (36), одбојкарката на босанскиот клуб и поранешна репрезентативка на Босна и Херцеговина.

Како што пишуваат босанските медиуми, од смачканиот автомобил телата  ги ваделе граѓаните кои се нашле на местото на несреќата, а интервенирале и пожарникари.

Според достапните информации несреќата се случила кога на регионалниот пат директно се судриле два автомобили.

Причината за несреќата била неприлагодената брзина и непрописното претекнување.

ТВ Орбис - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Сподели