Нема простор за сомнеж во германската економија, раст и во последниот квартал од годината

Деловната доверба во германската економија се искачи на ново рекордно ниво бидејќи оптимизмот во врска со иднината на бизнисот во Германија ја неутрализираше донекаде песимистичката проценка на моменталната економска ситуација
Индексот на бизнис-климата, пресметан од германскиот економски институт „Ифо“, во ноември се зголеми на нов рекордно ниво од 117,5 поени од 116,8 поени во октомври, се наведува во соопштението од „Ифо“.
Германската економија е на одличен пат, а најновите податоци укажуваат на економски раст во четвртиот квартал од 0,7 отсто, што ќе го зголеми бруто-домашниот производ за 2,3 отсто во 2017 година.
Индексот на институт „Ифо“ се пресметува врз основа на анкета која вклучува 7.000 компании од областа на производство, градежништво, трговија на големо и мало.
Извор: Макфакс

ТВ Орбис - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Сподели