Крводарителска акција во ФЗОМ

Вработените во Фондот за здравствено осигурување на Македонија денеска даруваа крв во рамки на акцијата „Фондовско срце“ која се организира во соработка со Институтот за трансфузиона медицина и Црвениот крст. Акцијата се организира по четврти пат.
Од ФЗОМ соопштија дека крводарителската акција се одвива на ниво на цела институција, а крв дарувале и вработените во Подрачните служби на Фондот во Скопје и во 30 градови.
Оваа хуманитарна акција, наведуваат од ФЗОМ, има за цел да ја подигне свеста за потребата и важноста од доброволното дарување крв, свеста за хуманоста и спасувањето човечки животи и да охрабри и поттикне што е можно повеќе луѓе да даруваат крв.

ТВ Орбис - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Сподели