Илјада и една ноќ – една од најчитаните книги во историјата на човештвото

Илјада и една ноќ е една од најчитаните книги во историјата на човештвото, веднаш по Библијата и Бајките на браќата Грим.

iljada-i-edna-nokj-edna-od-najcitanite-knigi-vo-istorijata-na-covestvoto-001.jpg

Собирани и пренесувани со векови од Индија, Персија и низ целиот арапски свет, хипнотизирачките текстови од Илјада и една ноќ раскажуваат реални и натприродни приказни за љубовта и бракот, за моќта у казната, за богатството и сиромаштијата, како и за бесконечните промени и пресврти на судбината.

Приказните ги раскажува убавата и умна Шехерезада. Таа се наоѓа во рацете на кралот Шахријар, кој се има заречено дека секоја ноќ ќе убие по една девица. За да се спаси, Шехерезада остроумно плете мрежа од приказни, секоја вечер оставајќи го кралот во неизвесност за тоа како ќе заврши приказната, на тој начин продолжувајќи си го животот за уште еден ден.

Илјада и една ноќ е богат калеидоскоп од приказни исполнети со магија, мистицизам, еротизам и смеа, еден од најдобрите примери за возбудливоста на литературата и нејзината смисла.

Илјада и една ноќ е океан од приказни во кој треба да си плива целиот живот.“
The Sunday Times

„Приказните пулсираат од секс, магија и морални дилеми, додека насилството ги истакнува моментите на чиста убавина…“
Publishers Weekly

„Смешни, застрашувачки, трогателни, просветлувачки приказни полни со сознанија…“
Booklist

Извор – http://www.crnobelo.com/

ТВ Орбис - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Сподели