ИД презеде одговорност за нападот врз приватната телевизија во Кабул

Терористичката организација Исламска држава презеде одговорност за денешниот напад врз приватна телевизија „Шамшад“ во главниот град на Авганистан, Кабул.
Припадници на авганистанските безбедносни сили соопштија дека пред нападот се слушнала експлозија. Според истите извори, еден од напаѓачите бил убиен од страна на обезбедувањето на телевизијата, додека другиот започнал претстрелка со чуварите, кон кои фрлил и рачна бомба.
Телевизијата што емитува програма на паштунски јазик, поради нападот времено престана со работа.
Во соопштението на безбедносните сили не е наведено дали има жртви при нападот. Набрзо по нападот се огласија талибанските бунтовници, кои негираа нивна поврзаност со инцидентот.

ТВ Орбис - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Сподели