Честитка од генералниот секретар на СДСМ, Кирацовски за Бадник и Божик

Генералниот секретар на Социјалдемократскиот сојуз на Македонија, Александар Кирацовски во свое и во име на СДСМ, по повод големите христијански празници Бадник и Рождество Христово Божиќ упати честитка до православните верници во Република Македонија, до поглаварот на МПЦ-ОА, архиепископот Охридски и Македонски, г.г.Стефан, и до членовите на Синодот.

„До сите православни верници, во мое и во име на Социјалдемократскиот сојуз на Македонија упатувам средечни честитки по повод големите празници Бадник и Рождество Христово Божиќ, со желби за добро здравје, лична, семејна и општествена благосостојба.

Овие празнични денови нека внесат спокој, мир, радост, љубов и топлина во секој дом, во семејствата и нека го зацврстат заедништвото и меѓусебното почитување кај сите граѓани.

Во духот на христијанските вредности, светите денови нека бидат поттик да се сплотиме околу солидарноста и меѓусебната почит. Сите заедно да дадеме придонес во негувањето и зацврстувањето на универзалните човекови вредности како толеранцијата, слободата, правдата и чесноста, и да овозможиме спокоен и среќен живот за сите.

Ви посакувам убави празнични денови.

Нека ни е честит големиот празник Рождество Христово Божиќ

ТВ Орбис - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Сподели